اسلام آباد۔2جنوری(اے پی پی)وزیر مملکت اطلاعات و نشریات فرخ حبیب آکھیے جو وزیراعطم عمران خان دے ویژن سانڳے چنڳیاں حکومتی پالیسیاں پاروں اڄوکے مالی سال دے پہلی چھی مہینے برآمدات 25 فیصد ریکارڈ ودھین، حجم 15 ارب ڈالرز توں وی ودھ ڳین۔ ہک ٹویٹ اچ انہاں آکھیا جو پچھلے مالی سال ایں عرصے اچ برآمدات 12.110 ارب ڈالر ہن۔ انہاں آکھیا جو نواز شریف اتے اسحاق ڈار دیاں تباہ کاریاں نال برآمدی شعبہ ٻݙ ڳیا ہا، الحمداللہ صرف دسمبر اچ 32 فیصد ودھارے نال برآمدات 2.761 ارب ڈالر تھین، ایویں ہی برآمدات ودھدیاں ریہاں تاں انشاللہ اڄوکے مالی سال دے چھیکڑ اچ ملکی برآمدات دا حجم 30 ارب ڈالر توں وی ودھ ویسی جیڑھیاں تاریخ دیاں سب توں ودھ ریکارد برآمدات ہوسن۔
