ملتان۔3فروری (اے پی پی):ریڈیوپاکستان ملتان دے کنٹرولر اتے سٹیشن ڈائریکٹرآصف خان کھیتران آکھیے جو ریڈیوپاکستان حقیقت اچ پاکستانی عوام دی آوازاے اتےعوام کشمیردی آزادی چاہندن ۔یوم یکجہتی کشمیر دے موقع تے ریڈیوپاکستان ملتان اچ منعقدہ محفل مشاعرہ دے میزبان دی حیثیت توں خطاب کریندے ہوئیں آصف خان کھیتران مزید آکھیے جو موجودہ حکومت دیاں کوششاں توں پوری دنیا دی توجہ کشمیری عوام دے پاسے کروائی ،پاکستان ہرفورم تے ایں مسئلے کوں چاتے ۔ریڈیوپاکستان دے سارے سٹیشن یوم کشمیردے موقع تے خصوصی پروگرام نشرکریسن جنھاں اچ مذاکرے، سیمینار،مشاعرے اتے خصوصی ترانے شامل ہن۔ محفل مشاعرہ دے پروڈیوسرمرزا اطہر لطیف ہن ۔صدارت ڈاکٹرمحمد امین کیتی ، مہمان خصوصی پروفیسرانورجمال اتے پروفیسرڈاکٹرشوذب کاظمی ہن۔ نظامت دے فرائض شاکر حسین شاکر انجام ݙتے۔مشاعرے اچ جنہاں شعراء کلام پیش کیتے انہاں اچ قمررضا شہزاد،رضی الدین رضی، رضوانہ تبسم درانی، صائمہ نورین بخاری، اشہرحسن کامران، ماہ رخ حفیظ شامل ہن ۔
