بیجنگ۔5فروری(اے پی پی)وفاقی وزیرمنصوبہ بندی، ترقی، اصلاحات وخصوصی اقدامات اسدعمر آکھیے جو وزیراعظم دے دورہ چین نال انفارمیشن ٹیکنالوجی، زراعت و صنعت اچ چینی سرمایہ کاری ودھسی۔ ہک انٹرویو اچ انہاں آکھیا جو دورہ چین اچ ساݙی چینی سرمایہ کاراں نال ملاقاتاں ہین جیڑھے پاکستان اچ مختلف شعباں اچ سرمایہ کاری کرݨ چاہندن، وزیراعظم آپ انہاں نال الیندے پین اتے ایں سانڳے متعلقاہ وزارتاں دے ڳانݙھے نال مناسب اقدامات وی موقع تے کیتے ویندے پن جو ودھ توں ودھ سرمایہ کار پاکستان آون، وزیراعظم عمران خان چینی وزیراعظم نال وی ملین اتے مختلف شعبیاں اچ تعاون تے غور کیتے جیندے چنڳے نتیجے نکلسن۔ چینی صدر شی جن پنگ نال وزیراعظم عمران خان آݙت کوں ملسن اتے پاکستان دا نقطہ نظر پیش کریسن تاں جو ݙوطرفپ تجارت، سرمایہ کاری اتے معاشی ساڄھے داری ودھے، امید اے جو دورے دے بعد انفارمیشن ٹیکنالوجی، زراعت و صنعت سودھا ٻعے اہم شعبیاں اچ چینی سرمایہ کاری ودھسی۔
