اسلام آباد۔21فروری (اے پی پی) پروفیسر قاضی عبدالرحمن عابد، شعبہ اردو، بہاؤالدین ذکریا یونیورسٹی ملتان، جھوک لݙا ڳئے ۔ قاضی عابد, دا اصل ناں قاضی ڈاکٹر عبدالرحمان عابد اے . انھاں دا تعلق رحیم یارخان دی تحصیل خان پور توں ہئی .انھاں کالج کیڈر اچ بطور لیکچرار اردو پڑھایا .ݙوں سال بعد انھاں دی تقرری بطور لیکچرار اردو بہاءالدین زکریا یونیورسٹی ملتان اچ تھئی ۔آپدیاں خداداد صلاحیتاں پاروں انھاں تکھے …
پروفیسر قاضی عبدالرحمن عابد، شعبہ اردو، بہاؤالدین ذکریا یونیورسٹی ملتان، جھوک لݙا ڳئے
اسلام آباد۔21فروری (اے پی پی) پروفیسر قاضی عبدالرحمن عابد، شعبہ اردو، بہاؤالدین ذکریا یونیورسٹی ملتان، جھوک لݙا ڳئے ۔ قاضی عابد, دا اصل ناں قاضی ڈاکٹر عبدالرحمان عابد اے . انھاں دا تعلق رحیم یارخان دی تحصیل خان پور توں ہئی .انھاں کالج کیڈر اچ بطور لیکچرار اردو پڑھایا .ݙوں سال بعد انھاں دی تقرری بطور لیکچرار اردو بہاءالدین زکریا یونیورسٹی ملتان اچ تھئی ۔آپدیاں خداداد صلاحیتاں پاروں انھاں تکھے ترقی کیتی۔ شعبہ اردو اچ پروفیسر دے طور تے آپدیاں خدمات ݙیندے ہوئے ہائیڈل برگ یونیورسٹی جرمنی روانہ تھئے جتھوں پوسٹ ڈاکٹورل دی ڈگری ڳھدی. او شعبہ اردو دے چئرمین رہیے جݙاں جو ݙوں واری انھاں دی تقرری بطور ڈائریکٹر سرائیکی ایریا سٹڈی اینڈ ریسرچ سنٹر اچ وی رہی .کجھ ڈینھ پہلے سرائیکی ریسرچ سنٹر توں فارغ تھی تے اردو دے شعبے اچ بطور پروفیسر ذمہ واریاں نبھیندے پئے ہن .او ہک بہترین نقاد محقق اتے ٻہوں قابل استاد ہن جنھاں دا خلا شئیت ای پورا تھی سگے .ڈاکٹر قاضی عابد جہیں استاد صدیاں بعد ڄمدن .او بہوں شفیق ملنسار اتے روشن خیال انسان ہن .مشرقی اتے عالمی علوم تے انھاں کوں عبور ہا .او بذات خود ادبی ثقافتی تہذیبی اتے تاریخی علوم تے مہارت رکھݨ آلا ہک مکمل ادارہ ہن . تحقیق ہووے یا تنقید پاکستان اچ انھاں دا ناں علمی طور تے وݙا معتبر منیا ویندا ہا .انھاں دے جہان توں ونجݨ تے ساراسرائیکی وسیب ای نی تعلیمی اداریاں توں تعلق رکھݨ آلیاں شخصیات مونجھیاں تھی گئین۔
