ملتان۔15مارچ (اے پی پی):پاکستان تحریک انصاف جنوبی پنجاب ویمن ونگ وکوارڈینیٹر ہیومن رائٹس قربان فاطمہ آکھیے جو وزیراعلیٰ پنجاب عثمان بزدار دی تبدیلی دے حوالے نال ساریاں ڳالھیں بے بنیاد ہن ۔اے پی پی نال ڳالھ مہاڑ کریندے ہوئیں انہاں آکھیے جو جنوبی پنجاب کوں ترقی دی رستے تے ٹورݨ آلے وزیراعلیٰ پنجاب عثمان بزدار ہن ۔ انہاں ہمیشہ پاکستان تحریک انصاف دی نمائندگی کریندے ہوئیں جنوبی پنجاب اچ ترقیاتی کم کوں عملی جامہ پواوݨ کیتے آپݨی خدمات سرانجام ݙتن ۔انہاں جݙاں توں وزارت اعلیٰ داعہدہ سنبھالیے تاں حاسدین دی نندراں حرام ہن ، انہاں مزید آکھیے جو وزیراعلیٰ پنجاب اپݨے عہدے تے قائم رہندے ہوئیں جنوبی پنجاب اچ مزید ترقیاتی کماں کوں پایہ تکمیل تئیں پڄیسن ۔
