جنیوا۔17مارچ (اے پی پی):اقوام متحدہ دی اعلیٰ عدالت روس کوں یوکرین دے خلاف جنگ بند کرݨ دا حکم ݙیندے ہوئیں آکھیے جو او ماسکو دی طرفوں فوجی طاقت دے استعمال توں شدید تشویش دا شکار اے،یوکرینی صدرولودی میر زیلنسکی ایں فیصلے کوںمکمل فتح قرار ݙتے ۔ سعودی ذرائع ابلاغ دےمطابق داہیگ اچ قائم عالمی عدالت انصاف دے ججز آکھیے جو روسی فیڈریشن کوں ایں کیس دا حتمی فیصلہ آوݨ تئیں یوکرین دےعلاقے اچ 24 فروری 2022 کوں شروع کیتیاں ڳیاں فوجی کارروائیاں کوں معطل کرݨا ہوسی۔انہاں مزید آکھیے جو روس کوں اے وی یقینی بݨاوݨا ہوسی جو ایں دے زیرقبضہ یا ایندی حمایت یافتہ ٻئی فورسز بشمول دونیسک اتے لوہانسک دیاں فوجاں یوکرین دے خلاف کہیں وی فوجی کارروائی کوں بند کرݙیسن ۔زیلنسکی آپݨے ٹویٹ اچ ایں فیصلے تے تبصرہ کریندے ہوئیں آکھیے جو یوکرین عالمی عدالت انصاف اچ روس دے خلاف اپݨے مقدمے اچ مکمل کامیابی حاصل کیتی اے ۔ آئی سی جے روس کوں فوری طور تے حملہ روکݨ دا حکم ݙتے ۔ اے بین الاقوامی قوانین دے تحت ھک پابند حکم اے۔
