لاہور۔18مارچ (اے پی پی): پاکستان تے آسٹریلیا دیاں ٹیماں دے درمیان تریجھا تے چھیکڑی ٹیسٹ میچ 21 مارچ توں 25 مارچ تئیں قذافی سٹیڈیم لاہور اچ کھیݙیا ویسی ، ݙوہیں ٹیماں دے درمیان ترائے میچاں دی سیریز بغیر کہیں نتیجہ دے برابر اے ، سیریز دے ابتدائی ݙوہیں ٹیسٹ میچز ہار جت دے فیصلے دے بغیر ہی ختم تھی ڳئے ہن ،آسٹریلوی ٹیم لاہور پڄ ڳئی اے تے 24سال بعد آسٹریلین ٹیم دے لاہور آوݨ تے سارے شائقین کرکٹ ٻہوں خوش ہن۔ مہمان ٹیم کیتے فول پروف سکیورٹی دا اہتمام کیتا ڳئے ݙوہیں ٹیماں دے درمیان ٹیسٹ سیریز دے اختتام دے بعد شیڈول اچ شامل چارے وائٹ بال میچز پنڈی کرکٹ سٹیڈیم راولپنڈی اچ کھیݙیے ویسن ، جنہاں اچ ترائے ون ڈے اتے ھک ٹی 20 میچ شامل اے۔ون ڈے انٹرنیشنل میچز دی سیریز دے ترائے میچاں بالترتیب 29 مارچ، 31مارچ اتے 2 اپریل کوں کھیݙیے ویسن جݙاں جو شیڈول اچ شامل واحد ٹی 20 میچ 5 اپریل کوں کھیݙیا ویسی ۔ پاکستان ٹیم دی قیادت بابراعظم کریسن جݙاں جو آسٹریلوی ٹیم کوں پیٹ کمنز لیڈ کریسن ۔
