اقوام متحدہ۔18مارچ (اے پی پی):اقوام متحدہ دی سلامتی کونسل افغانستان اچ اقوام متحدہ دے امدادی مشن دی مدت اچ مزید ھک سال دی توسیع دی قرارداد دی منظوری ݙے ݙتی اے ۔ جرمن نشریاتی ادارے موجب اقوام متحدہ دی 15رکنی سلامتی کونسل اچ گزریل ݙینھ ناروے دی طرفوں افغانستان اچ اقوام متحدہ دے امدادی مشن (یو این اے ایم اے)اچ آندے سال 17مارچ تئیں توسیع دی قرار داد پیش کیتی ڳئی جیں دی حمایت اچ 14ووٹ پئن تے صرف ھک ملک یعنی روس ووٹ نی ݙتا ۔ قرارداد دا مقصد اقوام متحدہ دی طرفوں افغانستان اچ معاشی ، انسانی تباہی، امداد دی فراہمی، انسانی اتے تریمتاں دے حقوق دے تحفظ ، امدادی سرگرمیاں کوں جاری رکھݨ اے جیں تے سلامتی کونسل دے اکثریتی ارکان اتفاق کیتے۔ ایں قرارداد دی منظوری دے بعد افغانستان اچ اقوام متحدہ دی خصوصی نمائندہ ڈیبورا لیون امدادی مشن اچ آپݨی خدمات جاری رکھیسن ۔
