ملتان۔11اپریل (اے پی پی):ڈپٹی کمشنرعامرکریم خاں آکھیے جو حکومت پنجاب کساناں دی محنت دا جائزمعاوضہ ݙیوݨ کیتے صوبے اچ 193 ارب روپے دی کݨک خریداری شروع کیتی اے ۔جیں اچ ضلع ملتان اچ 1 لکھ 84 ہزار میٹرک ٹن توں ودھ کݨک ڳھدی ویسی ، اے ڳالھ انہاں گزریل ݙینھ دورہ شجاع آباد دے دوران کݨک خریداری مراکز دا دورہ کریندے ہوئیں آکھی اے ۔ڈپٹی کمشنر کݨک خریداری مراکز تے بریفنگ ڳھدی تے کساناں نال ملاقات وی کیتی۔ایڈیشنل ڈپٹی کمشنر ریونیو طیب خان اتےاسسٹنٹ کمشنر شجاع آباد ناصر شہزاد ڈوگروی رلے ہن ۔ڈپٹی کمشنرعامرکریم خاں آکھیے جو کݨک خریداری مراکز تے آوݨ آلا ہر کسان ساݙا مہمان اے۔انہاں دی سہولت کیتےحکومت پنجاب 22سو روپے فی مݨ کݨک دے نرخ مقرر کیتن ۔ڈپٹی کمشنر آکھیے جو اوپن پالیسی دے تحت کساناں کوں باردانہ ݙیسن کیوں جو کساناں دی محنت توں رادھا ڳیا ھک ھک داݨہ حکومت خرید کریسی ۔
