اسلام آباد۔27اپریل(اے پی پی)نیشنل الیکٹرک پاور ریگولیٹری اتھارٹی (نیپرا) مارچ کیتے فیول ایڈجسٹمنٹ سانڳے بجلی دا مل 2 روپے 87 پیسے فی یونٹ ودھاوݨ دی منظوری ݙتی اے۔ ایں سانڳے چیئرمین نیپرا توصیف ایچ فاروقی دی زیر صدارت سنٹرل پاور پرچیز ایجنسی گارنٹی لمیٹڈ (سی پی پی اے جی )دی درخواست دی سماعت تھئی۔ سی پی پی اے جی مارچ کیتے فیول پرائس ایڈجسٹمنٹ سانڳے 3 روپے 16 پیسے فی یونٹ ودھاوݨ دی درخواست کیتی ہئی۔ فیول پرائس ایڈجسٹمنٹ کیتے قیمت ودھارے دا اطلاق لائف لائن اتے کے ۔الیکٹرک دے صارفن تے نہ تھیسی۔
