اسلام آباد۔6مئی(اے پی پی)نیپرا مارچ دے بلاں اچ ایف پی اے دی مد اچ بجلی دا ملھ 2 روپے 86 پیسے یونٹ ودھا ݙتے۔ نیپرا دے نوٹیفکیشن موجب بجلی دا اے ملھ مارچ دے فیول ایڈجسٹمنٹ دی مد اچ ودھاوݨا پئے، قیمت ودھݨ نال صارفین کوں 32 ارب روپے دا وادھو ٻھار چاوݨا پوسی۔ نیپرا کراچی دے صارفین کیتے وی بجلی دا ملھ ہک روپے 38 پیسے ودھائے جیڑھا فروری دے فیول ایڈجسٹمنٹ دی مد اچ وصول کتیا ویسی، ایندا صارفین تے ہک ارب 58 کروڑ روپے دا وادھو بھار پوسی۔
