ملتان۔19مئی (اے پی پی) مینگوگروورز ایسوسی ایشن دے مرکزی راہنمااتے نامور ترقی پسند کاشتکارزاہد حسین گردیزی آکھیا جو موسمیاتی تبدیلی پاروں امٻ دی پیداوار اچ 50 فیصد ڳھٹکی دا امکان اے۔ گزریل سال پاکستان اچ امٻ دی پیداوار 17 لکھ ٹں ہئی جیڑھی جو ایں سال 8 لکھ ٹن متوقع اے۔ اے پی پی نال ڳالھ مہاڑ کریندیں ہوئیں انہاں آکھیا جو امٻ دی برآمدات ٻہوں متاثر تھئی اے۔ پاکستان توں ثمربہشت ،چونسہ اتے سفید چونسہ برآمد کیتا ویندے۔ موسمی اثرات انہاں قسماں کوں ٻہوں متاثر کیتے۔ انہاں آکھیا جو آوݨ آلے سالیں اچ وی موسمیاتی تبدیلی اتے پاݨی دی ڳھٹکی دا امکان اے۔
