بہاولپور اچ تریمتیں کیتے ماڈل ٹاؤن دا پارک مشہور فنکارہ عظمیٰ گیلانی دے ناں نال منسوب

اسلام آباد۔19مئی  (اے پی پی سرائیکی سروس) بہاولپور اچ تریمتیں کیتے ماڈل ٹاؤن دا پارک مشہور فنکارہ عظمیٰ گیلانی دے ناں نال منسوب  کر ݙتا ڳئے۔ ݙسیا ڳئے جو بہاولپور شہر دے ماڈل ٹاؤن اے اچ تریمتیں دا پارک بنڑایا گیا اے  جینکوں جو ایندا ناں   بہاولپور توں تعلق رکھݨ آلی جگ مشہور فن کار عظمیٰ گیلانی دے ناں تے رکھا گیا اے .پارک دی  افتتاحی تقریب اچ  عظمیٰ گیلانی  آسٹریلیا توں  زوم دے ذریعے شرکت کیتی. پارک دا  ناں  ماڈل ٹاؤن اے توں کنٹونمنٹ بورڈ دے ممبر ریحان بن جاوید اعوان تجویز کیتا۔

انھاں دا آکھنڑ ہا جو بہاولپور دیاں ڈوجھیاں مشہور شخصیات کوں وی ایجھے اعزاز ݙے ویسن . انھاں  پارک اچ تریمتیں تے بالاں سانگے    لائبریری بنڑاونڑ دا عزم وی ظاہر کیتا اے ۔ عظمیٰ گیلانی 45 سال ٹی وی  ڈرامے توں جڑے ریہن ۔انھاں  کیریئر 1979 اچ ” وارث ” توں کیتا ہا بعد اچ نشیمن  ، دہلیز، پناہ، امر بیل، من وسلویٰ، فراق، شہر اجنبی، مریم، دستار انا، بھول، سمندر اتے سچ  توں مشہوری تھئی انھاں دے ڈرامیاں دی تعداد سو دے نیڑھے اے . انھاں دی خدمات دے اعتراف اچ  حکومت پاکستان 1982 اچ انھاں کوں صدارتی  تمغہ حسن کارکردگی ڈتا   عظمیٰ گیلانی آپدے نانکیاں میرٹھ اچ 1945 اچ جمئے  انھاں دے ڈاڈکیاں دا تعلق دہلی توں ہا ۔ ڈپٹی نذیر احمد انھاں دے  وڈکیاں اچوں ہن ۔ اُنھاں دے والد ریاست بہاولپور دی ممتاز شخصیت ہن . عظمیٰ گیلانی  کالج تئیں تعلیم بہاولپور توں گھدی ۔. 1965 اچ سید عنایت علی شاہ گیلانی نال  شادی تھئی .  انھاں دی سرکاری ملازمت دی وجہ توں لہور چلے گئے جتھاں اداکاری  دا موقع ملا  تے بعد اچ دوستاں نال  رل تے ہک اشتہاری کمپنی “بلیزون” وی بنڑائی ۔  عظمیٰ گیلانی کوں  کینسر دا موذی مرض تھیا جیندا علاج کامیاب تھیا ہنڑ او آسٹریلیا دے شہر سڈنی اچ رہندن ۔عظمیٰ گیلانی ستویں جماعت توں  لکھنڑ  شروع کرڈتا ہا تڈاں عظمیٰ ظہیرالدین دے ناں نال لکھدی ہئی   عظمیٰ گیلانی دے افسانیاں دا  مجموعہ “ع عورت، م مرد” اتے سوانح عمری ’’جو ہم پہ گزری‘‘ دے  ناں توں چھپ چکئین . آپدی حیاتی دا احوال انھاں اوں ویلھے ریکارڈ کرایا ہا جیڑھلے گٹے دی ہڈی ترائے جاء توں بھج پئی ہئی جیندی وجہ توں ترائے مہینے کھٹ تے ریہے۔