ملتان۔23مئی (اے پی پی):ملتان دےنویں تعینات تھیوݨ آلے کمشنر انجینئر عامر خٹک عہدے دا چارج سنبھال ڳھدا ۔کمشنر آفس پڄݨ تے پولیس دے چاک و چوبند دستے کمشنر ملتان عامر خٹک دے رلے ملتان ڈویژن اچ نویں تعینات تھیوݨ آلے ڈپٹی کمشنرز کوں وی گارڈ آف آنر پیش کیتا ۔ڈپٹی کمشنر ملتان محمد طاہر،ڈپٹی کمشنر وہاڑی محمد رفیق احسن،ڈپٹی کمشنر خانیوال شاہد فرید،ڈپٹی کمشنر لودھراں آغا ظہیر عباس شیزاری کوں گارڈ آف آنر پیش کیتا ڳئے ۔ کمشنر انجینئر عامر خٹک آکھیے جو حکومت پنجاب انہاں کوں ملتان ڈویژن دی ترقی دا ٹاسک ݙتے ،اولیاکرام دی دھرتی اچ تعیناتی اعزاز دی ڳالھ اے ،ملتان ڈویژن دے واسیاں دی خدمت کرݨ دا عزم گھن تے عہدہ سنبھالیے ۔انہاں آکھیے جو کمشنر آفس دے دروازے جائز کماں کیتے ہر خاص و عام کیتے کھلئے پئن ،اوپن ڈور پالیسی دے تحت میرٹ تے شہریاں دے مسئلے حل کرݨ ترجیح اے۔
