اقوام متحدہ۔24مئی (اے پی پی) اقوام متحدہ دے امن مشن اچ خدمات انجام ݙیوݨ آلے 6 پاکستانی شہداء سودھے پوری دنیا دے 117امن اہلکاراں کوں خمیس (26مئی) کوں اقوام متحدہ دے امن اہلکاراں دے عالمی ݙینھ تے خراج تحسین پیش کرݨ کیتے خصوصی تقریب دا انعقاد کیتا ویی جیں اچ انہاں کوں ایوارڈز ݙتا ویسی ، ایں ڳالھ دا باضابطہ اعلان گزریل ݙینھ کیتا ڳئے ۔شہید پاکستانی امن اہلکاراں اچ سوڈان دے علاقہ ڈارفور اچ امن امشن اچ تعینات پولیس لانس کارپورل طاہر اکرام، پولیس لانس کارپورل عادل جان، اتے حوالدار محمد نیل نعیم ، جمہوریہ کانگو اچ اقوام متحدہ دے استحکام مشن اچ تعینات این سی ای طاہر محمود وسطی افریقی جمہوریہ اچ اقوام متحدہ دے کثیر الجہتی مربوط استحکام مشن اچ تعینات حوالدار محمد شفیق اتے اقوام متحدہ دے مغربی صحارا اچ ریفرنڈم مشن اچ شہری خدمات دے طور تے تعینات ابرار سید شامل ہن۔ پاکستان اقوام متحدہ دے امن مشنز اچ خدمات انجام ݙیوݨ آلا 5 واں وݙا ملک اے جیں اچ ایں ویلھے ودھارا و قیام امن کیتے اقوام متحدہ دےمغربی صحارا، جنوبی سوڈان، مالی، جمہوریہ کانگو، قبرص، وسطی افریقی جمہوریہ اتے آبی اچ پاکستان دے 4100 توں ودھ فوجی اتے پولیس اہلکار تعینات ہن ۔ اقوام متحدہ دے سیکرٹری جنرل انتونیو گوتریش خصوصی تقریب اچ شہداء کوں ایوارڈز ݙیسن ۔
