برن۔24مئی (اے پی پی) ورلڈ میٹرولوجیکل آرگنائزیشن چتاوݨی ݙتی اے جو موسمیاتی تبدیلی پاروں پوری دنیا دیاں وکھو وکھ جہیں تے گزریل کئی ݙینھ توں جاری ریت دے طوفان انسانی صحت کیتے سنگین خطرہ ہن ۔ عرب ذرائع ابلاغ موجب اقوام متحدہ دی ایجنسی ورلڈ میٹرولوجیکل آرگنائزیشن (ڈبلیو ایم او) آکھیے جو ریت دے طوفان مجموعی طور تے 150 ملکاں تے خطیں کوں متاثر کیتے جیں توں ماحولیات، صحت اتے معیشت تے منفی اثرات تھیندے پئن۔ انہاں آکھیے جو ودھ خطرے آلے ملکاں اچ ایران، کویت، سعودی عرب اتے متحدہ عرب امارات سر فہرست ہن۔انہاں آکھیے جو ریت دے باریک ذرات جیڑھے جو 10 مائیکرو میٹر توں چھوٹے تھی سڳدن اکثر انسانی نک، منہ اتے ساہ دی نالی اچ پھس تے صحت دے مسئلے جیویں دمہ، نمونیا تے دل دے مرض دا سبب بݨ سڳدن اے ذرے بیکٹیریا اتے وائرس دے نال کیڑے مار دوائیں تے ٻئے زہریلے مادیں کوں وی کھنڈاوݨ دا باعث بݨدن ۔
