اسلام آباد۔25مئی(اے پی پی)وزیراعظم شہباز شریف آکھیے جو کروٹ ہائیڈرو پاور پلانٹ ٻݨݨ نال توانائی دی لوڑھ پوری کرݨ اچ مدد ملسی، امید اے منسؤبی تیکھے کم شروع کر ݙیسی جیڑھا نیشنل گرڈ کوں 720 میگاواٹ بجلی سستی بجلی ݙیسی، اقرض ادائیگی نال بجلی دا ملھ وی گھٹݨ دی امید اے ڄفآں جو کروت منسوبہ نال ماحولیاتی آلودگی دا مسئلہ وی حل تھیسی۔ اے ڳالھ انہاں کروٹ ہائیڈرو پاور پلانٹ دے دورہ ویلھے ورکرز اتے چینی میڈیا نال خطاب اچ آکھی۔ انہاں آکھیا جو منصوبہ پاک چین دوستی دی مثال اے۔ سیاسی معاملیاں تے الیندے انہاں آکھیا جو سابق حکومت مہانگ، غربت و بے روزگاری مکاوݨ کیتے کوئی کم نئیں کیتا اتے ہتھو ٻݙدی معیشت چھوڑ ڳئی اے ٻھل آئنی طریقے نال اقتدار سنبھال تے ساݙی حکومت ڳھٹ ویلھے اچ معاشی اہمیت دے منصوبیاں تے توجہ ݙتی اے۔ وزیراعظم آکھیا جو قوم کوں ونݙݨ اتے دھرنیاںا چ ویلھا نئیں ونڄاوݨا چاہیدا جو ایندا معیشت کوں وݙا ضیان تھیندے، حالات بہتر کرݨ کیتے ٻہوں محنت کرݨی پوسی، آئی ایم ایف نال مذاکرات جاری ہین، عوام تے کوئی وادھو ٻھار نا سٹیسوں۔
