جنیوا۔26مئی (اے پی پی):عالمی ادارہ صحت دے ڈائریکٹر جنرل ٹیڈروس اذہانوم گیبریئسس مسلسل ݙوجھی واری ادارے دے سربراہ منتخب تھی ڳئن ۔ چینی ذرائع ابلاغ موجب 75ویں ورلڈ ہیلتھ اسمبلی( ڈبلیو ایچ اے) ٹیڈروس اذہانوم گیبریئسس کوں ڈائریکٹر جنرل دے عہدے کیتے ݙوجھی پنج سالہ مدت کیتے چݨ ڳھدے ۔ ٹیڈروس اذہانوم گیبریئسس آکھیے جو او ڈبلیو ایچ او دے رکن ملکاں دے اعتماد تے انہاں دے شکر گزار ہن ۔انہاں آکھیے انہاں دی ترجیحات صحت دا ودھارا، بنیادی صحت دی ݙیکھ بھال، ہنگامی تیاری اتے ردعمل اتے سائنس، اختراعات تے ڈیجیٹل صحت ہن۔ٹیڈروس اذہانوم گیبریئسس 16 اگست 2022 توں 15 اگست 2027 تئیں آپݨی ݙوجھی مدت پوری کریسن ۔
