نئی دہلی۔26مئی (اے پی پی):بھارت، دہلی دی مغل مسیت اچ نماز پڑھݨ تے پابندی لاݙتی اے ۔بھارتی نشریاتی ادارے موجب مغل مسیت دے امام مولانا شیر محمد انڈیا اسلامک کلچرل سینٹر توں وڈیو بیان جاری کریندے ہوئیں آکھیے جو اتھاں 13 مئی توں نمازاں تے پابندی لاتی ڳئی اے جݙاں جو اتھاں تقریباً 40 سال توں ودھ مدت توں نماز پڑھائی ویندی پئی اے ۔انہاں آکھیے جو دہلی وقف بورڈ دی طرفوں میں 10 ستمبر 1976 توں اتھاں نماز پڑھیندا پیاں اتھاں نماز پنج گانہ دے علاوہ نماز جمعہ، عیدین اتے تراویح وی پڑھائی ویندی اے ، تاں جو ہݨ نواں فتنہ پیدا تھی ڳئے مسیت کوں بند کرݙتا ڳئے ، انہاں آکھیے بھارتی محکمہ آثار قدیمہ آلے پہلے تاں آکھدے پن جو اے سارا کجھ تساڈی حفاظت سانڳے کیتا ویندا پئے تاں جو ہݨ جݙاں نماز دا وقت آئے تاں اساکوں دفتر سݙیے تے آکھیے جو اتھاں نماز تے پابندی لاݙتی ڳئی اے ہݨ تساں اتھاں نماز نی پڑھا سڳدے اساں انہاں لوکاں کوں آکھیے جو اڄ جمعہ اے اساکوں جمعہ دی نماز تاں پڑھݨ ݙیو لیکن انہاں سختی نال روک ݙتے ۔
