مظفرگڑھ۔27مئی (اے پی پی):15 سالہ نینگر دی لاش برآمد،ریسکیو 1122 کنٹرول روم مظفر گڑھ موجب مظفرگڑھ دے نیڑے علاقے تھاݨہ چوک قریشی دے علاقے ساوݨ والا پتافی چوک دے نیڑے ویران جاہ توں ھک 15 سالہ نینگر دی لاش ملی اے جیں کوں ڳل گھٹ تے قتل کیتا ڳئے ،اطلاع ملݨ تے ریسکیو کنٹرول روم سینٹرل اسٹیشن توں ایمبولینس روانہ کرݙتی تے پولیس کنٹرول کوں وی ݙسا ݙتے ،ریسکیو سٹاف موقع تے پڄ تے ڈیڈ باڈی کوں ڈیڈ شیٹ دے نال کور کرݨ دے بعد پولیس دی نگرانی اچ پوسٹمارٹم کیتے ڈسٹرکٹ ہیڈ کوارٹر ہسپتال مظفرگڑھ منتقل کرݙتے ،پولیس کرائم سین یونٹ اتے فارنزک ٹیم موقع توں شواہد کٹھے کر ڳھدن،پولیس تھاݨہ چوک قریشی اݨ ڄاݨ قاتلاں دے خلاف مقتول دے والد محمد سرور دی مدعیت اچ مقدمہ درج کر تے تفتیش شروع کرݙتی اے۔
