اقوام متحدہ۔27مئی (اے پی پی):اقوام متحدہ دے سیکرٹری جنرل انتونیو گوتریش افغانستان دے دارالحکومت کابل اتے شمالی شہر مزار شریف اچ تھیوݨ آلے اڄوکے دھماکیں دی مذمت کیتی اے ، جنہاں اچ ٻہوں سارے شہری جاں بحق تھی ڳئے ہن۔ چینی خبر رساں ادارے موجب سیکرٹری جنرل متاثرین دے خانداناں نال ہمدردی ،افسوس تے زخمیاں دی وختی صحت یابی دی خواہش دا اظہار کیتے۔ انہاں آکھیے جو بین الاقوامی انسانی قانون دے تحت شہریاں تے انہاں دے مال و متاع بشمول مسیتاں دے خلاف حملے سخت ممنوعہ عمل ہن۔ ترجمان سٹیفن ڈوجارک جاری بیان اچ آکھیے جو سیکرٹری جنرل سارے فریقاں توں اپیل کیتی اے جو او آپݨے شہریاں دے تحفظ کوں یقینی بݨاون۔ واضح رہے جو دارالحکومت کابل اتے مزار شریف اچ تھیوݨ آلے چار دھماکیں دے نتیجے اچ 14 بندے ہلاک جݙاں جو32 زخمی تھئن۔
