اسلام آباد۔4جون(اے پی پی)بجلی اتے پٹرول مہانگا تھیوݨ دے بعد اوگرا جولائی توں سوئی ناردرن کیتے ملھ 45 اتے سوئی سدرن کیتے 44 فیصد ودھاݨ دی منظوری ݙی ݙتی اے۔ آئل اینڈ گیس ریگولیٹری اتھارٹی (اوگرا) گیس مہانگی کرݨ دی منظوری آندے مالی سال 2022-23 کیتے ݙتی اے۔ قیمتاں ودھݨ دا حتمی فیصلہ وفاقی حکومت کریسی۔ سوئی ناردرن کیتے گیس 266 روپے 58 پیسے فی ایم ایم بی ٹی یو، سوئی سدرن کیتے گیس 308 روپے 53 پیسے فی ایم ایم بی ٹی یو مہانگی کیتی ڳئی اے۔ اوگرا 265 ارب توںو دھ دا بقایا شارٹ فال دا فیصلہ وی وفاقی حکومت تے سٹ ݙتے۔ نویاں قیمتاں دا اطلاق یکم جولائی توں تھیسی۔
