اسلام آباد۔6جون (اے پی پی) اسلامی تعاون تنظیم (او آئی سی) بھارتی حکمران جماعت دے عہدیدار ولوں پیغمبر اسلامﷺ دی توہین دی شدید مذمت کیتی اے۔ او آئی سی دے جنرل سیکرٹریٹ ولوں سنوار کوں جاری بیان موجب اسلامی تعاون تنظیم آکھیا جو اے بھارت اچ اسلام دے خلاف نفرت ودھاوݨ بارے خصوصی طور تے بھارت دی کئی ریاستاں اچ تعلیمی اداریاں اچ حجاب دے استعمال تے پابندی دے فیصلے، مسلماناں دی املاک دا ضیان کرݨ اتے انہاں دے خلاف ودھدے ہوئے تشدد سودھے بھارتی مسلماناں دے خلاف منظم طرز عمل دا حصہ اے۔ او آئی سی بھارتی حکام توں مطالبہ کیتا جو او ایجھے واقعے اتے رسول اکرم ﷺ دی توہین کرݨ آلے اتے مسلماناں دے خلاف تشدد کوں بھڑکاوݨ آلیاں انصاف دے کٹہرے اچ ڳھن آون اتے محاسبہ کیتا ونڄے۔
