مکہ مکرمہ ۔7جون (اے پی پی):سعودی وزیر داخلہ شہزادہ عبدالعزیزبن سعود بن نایف اڄوکے سال حج ایمرجنسی پلان دی منظوری ݙے ݙتی جیں وچ مکہ مکرمہ، مدینہ منورہ، منی، مزدلفہ اور عرفات میں ممکنہ خطریں نال نبݨݨ کیتے درکار ساریاں ضروری تدابیر تے مشتمل اے ۔سعودی خبررساں ادارے موجب محکمہ شہری دفاع دے ڈائریکٹر جنرل سلیمان العمرو آکھیے جو حج ایمرجنسی سکیماں کوں ہرسال بہتر بݨایا ویندے ۔شاہ سلمان بن عبد العزیز اتے ولی عہد دی ہدایت اے جو عازمین حج دی سلامتی و امن کوں یقینی بݨاوݨ ، مناسک حج دی ادائیگی اچ سہولت پیدا کرݨ تے مسیت نبوی دی زیارت کوں سوکھا بݨاوݨ کیتے جیڑھے انتظامات ضروری ہوون او معیاری انداز اچ کیتے ونڄن ، انہاں آکھیے گورنر مکہ مکرمہ شہزادہ خالد الفیصل جیڑھے مرکزی حج کمیٹی دے سربراہ وی ہن تے گورنر مدینہ منورہ شہزادہ فیصل بن سلمان جیڑھے مدینہ منورہ دی مرکزی حج کمیٹی دے سربراہ ہن تے انہاں دے نائبین حج تے آوݨ آلیں دے تحفظ کیتے مقرر سکیماں تے عمل درآمد دی مسلسل نگرانی کریندے پئن ۔
