مکہ مکرمہ۔8جون (اے پی پی):سعودی محکمہ موسمیات آکھیے جو آندے 24 گھنٹے اچ مکہ مکرمہ اتے مدینہ منورہ سودھے ملک دے پنج علاقیں اچ ودھ گرمی پوسی ۔ سعودی خبررساں ادارے محکمہ موسمیات دے حوالے نال ݙسائے جو آندے 24 گھنٹے اچ مکہ مکرمہ، مدینہ منورہ، ریاض، قصیم اتے مشرقی علاقے ودھ گرمی دی لہر دی زد اچ ہوسن ۔محکمے آکھیے جو مکہ مکرمہ اتے مدینہ منورہ دے ساحلی علاقیں اچ ودھ گرمی جݙاں جو مدینہ منورہ دی ینبع اتے الرایس علاقیں اچ اندھاری ڳلھسی جیں پاروں حد نگاہ متاثر رہݨ دا وی امکان اے تے ودھ گرم موسم 6 ستمبر تئیں جاری رہݨ دا امکان اے ۔
