ملتان۔8جون (اے پی پی):مدینۃ الاولیاءملتان دے کرکٹ شائقین 14سال بعد اڄ ملتان کرکٹ سٹیڈیم اچ ھک ݙینھ وار میچ ݙیکھسن ۔پاکستان تے ویسٹانڈیزوچال ترائے ھک ݙینھ وار میچاں دی سیریز داپہلامیچ ٻدھ کوں تھیسی ۔ڈے اینڈ نائٹ میچ شام4 وڄے شروع تھیسی ۔سیریز دے باقی ݙو میچزوی 10 اتے 12 جون کوں ایں جاہ تے کھیݙیے ویسن ، ݙوہیں ٹیماں سیریز اچ مثبت پوائنٹ گھن تے آئی سی سی مینز کرکٹ ورلڈکپ 2023 اچ براہ راست رسائی کیتے پرامید ہن۔آئی سی سی مینز کرکٹ ورلڈ کپ سپر لیگ اچ اے پاکستان دی پنجویں سیریز اے ۔ایں توں پہلے کھیݙی ڳئی چار سیریز اچ پاکستان آسٹریلیا، جنوبی افریقہ تے زمبابوے توں جتیا جݙاں جو اینکوں انگلینڈ توں ہرݨ دا سامݨا کرݨا پیا ۔پاکستان ہݨے ہی بابراعظم دی زیرقیادت آسٹریلیا دے خلاف ون ڈے انٹرنیشنل سیریز اچ 1-2 توں کامیابی حاصل کیتی۔
