جنیوا۔13جون (اے پی پی):عالمی ادارہ تجارت ( ڈبلیو ٹی او)آکھیے جو پوری دنیا کوں غیر یقینی صورتحال تے ٻہوں سارے بحراناں دا سامݨا اے جیں اچ روس یوکرین جھیڑا، صحت، اقتصادی، ماحولیاتی، جغرافیائی تے سیاسی بحران شامل ہن ۔ چینی نشریاتی ادارے ڈبلیو ٹی او دی ڈائریکٹر جنرل نکوزی انکونجو اویلا دے 12ویں ڈبلیو ٹی او دی وزارتی کانفرنس توں خطاب دے حوالے نال ݙسائے جو ادارہ بین الاقوامی برادری اتے عوام دی خدمت کرسڳے تے اے جو کثیرطرفہ تجارتی نظام کوں فعال رکھݨ ہر کہیں دے مفاد اچ ہے۔انہاں آکھیے جو ڈبلیو ٹی او کوں ہݨ خوراک دے بحران نال نبݨݨا چاہیدے ، خشک سالی، سیلاب، ودھ گرمی ، موسمیاتی تبدیلی دے اثرات اتے سپلائی چین دیاں رکاوٹاں دے نال نال کووڈ۔19 دی وبا عالمی سطح تے خوراک دیاں قیمتاں کوں ودھائے ، اے صورتحال روس یوکرین جھیڑے دے وجہ توں مزید کشیدہ تھی ڳئی اے ۔ اقوام متحدہ دی فوڈ اینڈ ایگریکلچر آرگنائزیشن دے اعداد و شمار موجب گزریل سال مئی دے مقابلے اچ اڄوکے سال کݨک دی عالمی قیمت اچ 56 فیصد ودھارا تھئے ، اناج دی مجموعی قیمت اچ تقریباً 30 فیصد ودھارا جݙاں جو نباتاتی تیل دیاں قیمتاں اچ سالانہ بنیاد تے 45فیصد ودھارا تھئے ۔
