دبئی۔13جون (اے پی پی) پاکستان ، ویسٹ انڈیز دے خلاف ون ڈے سیریز کلین سویپ کرݨ دے بعد آئی سی سی ون ڈے رینکنگ اچ بھارت کوں پچھوں چھوڑ ݙتا۔ سنوار کوں انٹرنیشنل کرکٹ کونسل (آئی سی سی) اڄوکی ون ڈے ٹیم رینکنگ جاری کر ݙتی اے جئیں دے مطابق پاکستان ٹیم106 پوائنٹس نال چوتھے نمبر تے آڳئی اے۔ نیوزی لینڈ دی ٹیم 125 ریٹنگ پوائنٹس نال پہلے، انگلینڈ 124 ریٹنگ پوائنٹس نال ݙوجھے اتے آسٹریلیا 107 پوائنٹس نال تریجھے نمبر تے اے۔ بھارت 105 ریٹنگ پوائنٹس نال پنجویں۔ جنوبی افریقہ 99 ریٹنگ پوائنٹس نال چھینویں، بنگلہ دیش 95 ریٹنگ پوائنٹس نال ستویں، سری لنکا 87 پوائنٹس نال اٹھویں، ویسٹ انڈیز 72 پوائنٹس نال نانویں اتے افغانستان 69 پوائنٹس نال ݙاہویں نمبر تے اے۔
