اسلام آباد۔6جولائی(اے پی پی)پاکستان پیپلزپارٹی پنجاب اسمبلی دے 20 حلقاں دے ضمنی انتخابات اچ مسلم لیگ (ن) دی حمایت دا اعلان کریندے آکھیے جو اے انتخابات رل تے لڑسوں، اتحادی حکومت اوکھے فیصلے کر تے ملکی حالات سنٻھالݨ دی کوشش کریندی پئی اے، ہݨ کہیں کوں ٻئی مہم جوئی دی اجازت نہ ݙتی ویسی۔ وفاقی وزیر خواجہ سعد رفیق آکھیا جو پاکستان کوں ݙیوالہ نی تھیوݨ ݙتا ونڄ سڳدا، اساں …
اتحادی حکومت اوکھے فیصلے کر تے ملکی حالات سنٻھالݨ دی کوشش کریندی پئی اے، وفاقی وزیر ریلوے خواجہ سعد رفیق اتے معاون خصوصی قمر زمان کائرہ دی پریس کانفرنس
اسلام آباد۔6جولائی(اے پی پی)پاکستان پیپلزپارٹی پنجاب اسمبلی دے 20 حلقاں دے ضمنی انتخابات اچ مسلم لیگ (ن) دی حمایت دا اعلان کریندے آکھیے جو اے انتخابات رل تے لڑسوں، اتحادی حکومت اوکھے فیصلے کر تے ملکی حالات سنٻھالݨ دی کوشش کریندی پئی اے، ہݨ کہیں کوں ٻئی مہم جوئی دی اجازت نہ ݙتی ویسی۔ وفاقی وزیر خواجہ سعد رفیق آکھیا جو پاکستان کوں ݙیوالہ نی تھیوݨ ݙتا ونڄ سڳدا، اساں اپݨی سیاسی ساکھ دا تے لا تے وݙا ٻھار اپݨے سر چاتے۔ اسلام آباد اچ پریس کانفرنس کریندے وفاقی وزیر ریلوے خواجہ سعد رفیق اتے وزیراعظم دے مشیر برائے امور کشمیر و گلگت بلتستان قمر زمان کائرہ آکھیے جو ضمنی انتخابات عام انتخابات سمجھ تے لڑسوں، اساں انتخابی مہم اچ ہک ہیں، انشاء اللہ اے انتخابات جیت تے صوبہ پنجاب اچ کھڑے کیتے گئے فساد اتے سیاسی بے یقینی کوں مکیسوں۔
