کولمبو۔18جولائی (اے پی پی) سری لنکا اچ ایمرجنسی لا ݙتی ڳئی۔ چینی خبر رساں ادارے دے مطابق سری لنکا دے قائم مقام صدر رانیل وکرما سنگھے سنوار توں ملک اچ ایمرجنسی لاوݨ دا اعلان کر ݙتے۔ جاری خصوصی گزٹ اچ آکھیا ڳیا جو وکرما سنگھے عوامی سلامتی اتے عوام دے تحفظ کوں یقینی ٻݨاوݨ اتے شہریاں کیتے ضروری سامان دی بحالی دے فائدے اچ ہنگامی حالت دا اعلان کیتے۔ جنوبی ایشیائی ملک اچ شدید اقتصادی بحران اچ سری لنکا دی پارلیمنٹ 20 جولائی کوں سابق صدرگوٹابایا راجاپکسے دے استعفیٰ دے بعد نویں صدر دا چݨاؤ کرݨ آلی اے جیڑھے جو مالدیپ دے رستے سنگاپور ڳئے ہن۔ صدارتی امیدواراں دے کاغذات نامزدگی منگل کوں طلب کیتے ویسن۔
