ٹوکیو۔20جولائی (اے پی پی) سعودی عرب دے وزیر خارجہ شہزادہ فیصل بن فرحان آکھیا جو عالمی منڈی اچ تیل دی قلت کائنی۔ مسئلہ ریفائنریز دی پیداواری صلاحیت دا اے۔ العربیہ نیوزچینل دے مطابق سعودی وزیر خارجہ ، ٹوکیو اچ صحافیاں نال ڳالھ مہاڑ کریندیں ہوئیں آکھیا جو اڄ تئیں اساکوں بین الاقوامی منڈی اچ تیل دی قلت نظر نی امدی پئی۔ اصل اچ آئل ریفائنریاں دی ڳھٹکی اے جئیں دا دائرہ کار ودھاوݨ کیتے ٻیا سرمایہ لاوݨا پوسی۔ شہزادہ فیصل آکھیا جو اوپیک پلس دے پورے تعاون دے بغیر تیل دی ضروری رسد کوں برقرار رکھݨ اوکھا ہوسی۔ روس اوپیک پلس کوں پورا فعال کرݨ آلی طاقت اے۔
