میڈرڈ۔22جولائی (اے پی پی) سپین دی وزارت صحت آکھیا جو ایں سال دی ݙوجھی ہیٹ ویو اچ ہک ہزار 47 بندے ہلاک تھی ڳئن۔ چینی خبر رساں ادارے ، سپین دی مانیٹرنگ آف ڈیلی مورٹیلٹی(مومو) بارے ݙسیا جو گزریل ݙاہ ݙہنھ اچ ملک دے کئی حصیاں اچ درجہ حرارت 40 ڈگری سیلسیس تئیں پڄ ڳئے۔ مانیٹرنگ آف ڈیلی مورٹیلٹی (مومو) جاری کردہ اعداد و شمار دے مطابق گرمی بارے اے اموات 10 توں 19 جولائی تئیں ریکارڈ کیتی ڳئن۔ شدید گرمی خصوصی طور بزرگاں کوں متاثر کیتے۔ متاثرین اچوں 672 دی عمراں 85 سال یا اوں توں ودھ ہن۔
