اسلام آباد۔25جولائی (اے پی پی) آذربائیجان نیشنل اکیڈمی آف آذربائیجان اچ ایوارڈ دی تقریب تھئی جیندے اچ چیئرمین اکادمی ادبیات پاکستانُ ڈاکٹریوسف خشک کوں ایوارڈ ݙتا گیا ۔ ادب دے فروغ سانگے ڈاکٹر یوسف خشک دیاں کاوشاں کوں بین الاقوامی سطح تے سراہا گیا ڈاکٹر یوسف خشک میرٹوریئس پروفیسر اتے چیئرمین پاکستان اکیڈمی آف لیٹرز کوں نظامی گنجوی، انسٹی ٹیوٹ آف لٹریچر ، نیشنل آذربائیجان اکیڈمی آف سائنسز آذدبائیجان ولوں “اعزازی دوست” دا ایوارڈ پیش کیتا گیا . ڈاکٹر خشک دی آذربائیجان باکو دے ذاتی دورے دے دوران، آذربائیجان اتے پاکستان وچال ادبی تعلقات کیتے انھاں دیاں کاوشاں کوں مدنظر رکھیندے ہوئے، نظامی گنجوی دے ناں توں منسوب انسٹی ٹیوٹ آف لٹریچر ، آذربائیجان نیشنل اکیڈمی آف سائنسز ڈاکٹرخشک دے اعزاز اچ پرتکلف استقبالیہ دا اہتمام کیتا۔ آذربائیجان اکیڈمی دے نائب صدر پروفیسر عیسیٰ حبیبلی دی سرپرستی اچ ایوارڈ ونڈنڑ دی تقریب دے نال پاکستان اتے پاکستانی ادب دے حوالےنال 3 کتاباں اتے 1 میگزین دی تقریب رونمائی تھئی ، سینٹرل سائنٹیفک لائبریری اچ پاکستان دے ادبی کارنر اچ مہمان دا دورہ اتے دوستانہ ظہرانہے دا وی اہتمام کیتا گیا۔ خطاب اچ پروفیسر حبیببیلی آکھے جو اے ایوارڈ آذربائیجان اکیڈمی ولوں ڈاکٹر یوسف خشک کوں آذربائیجان تے پاکستان دے سائنسی تعلقات تے آذربائیجان اچ ادبی علوم دی ترقی اچ کوششاں سانگے تعاون تے زور ڈتاگیااے ۔ تقریب دے اخیر اچ ڈوہیں پاسوں ہک ڈوجھے کوں تحفے ڈتے گئے ۔
