جنیوا۔27جولائی (اے پی پی) عالمی ادارہ صحت دے منکی پاکس دے سرکردہ ماہر ڈاکٹر روزمنڈ لوئس آکھیا جو افریقہ دے علاوہ ٻئے ملکاں اچ منکی پاکس دے سارے متاثرہ لوکاں اچ 99 فیصد مرد ہن۔ ترکیہ دے ذرائع ابلاغ عالمی ادارہ صحت بارے ݙسیا جو منکی پاکس دی وبائی بیماری بئے ملکاں اچ کھنݙ سڳدی اے اتے ایں نال نبڑݨ کیتے عالمی رد عمل دی لوڑھ اے۔ امریکا دے مرکز برائے انسداد وبائی امراض دے مطابق مئی توں ہݨ تئیں 74 ملکاں اچ منکی پاکس دے 16 ہزار توں ودھ کیسز رپورٹ تھی ڳئن۔
