سرینگر۔29جولائی (اے پی پی) بھارت دے غیر قانونی زیر تسلط جموں تے کشمیر، کل جماعتی حریت کانفرنس 5 اگست کوںمکمل ہڑتال ، مظاہریاں دی کال ݙے ݙتی اے اتے لوکاں تے زور ݙتے جو او ایں ݙینھ تحریک آزادی دی کامیابی کیتے خصوصی دعائیں کرن۔ نریندر مودی دی فسطائی بھارتی حکومت 5اگست2019کوں بھارتی آئین دی دفعات370اتےA ۔35منسوخ کر تے بھارتی زیر تسلط جموں تےکشمیر دی خصوصی حیثیت ختم کرݙتی ہئی۔ کشمیر میڈیا سروس دے مطابق کل جماعتی حریت کانفرنس دے جنرل سیکرٹری مولوی بشیر احمد عرفانی ، سرینگر اچ جاری ہک بیان اچ آزاد جموں تے کشمیر، پاکستان اتے ٻاہرلے ملک کشمیریاں توں وی اپیل کیتی اے جو او بھارت دے غیر قانونی زیر تسلط جموں تے کشمیر اچ بھارتی مظالم دے خلاف احتجاجی ریلیاں کݙھن اتے دنیا کوں بھارتی ظلم بارے ݙسن۔ انہاں کشمیر کاز کوں بین الاقوامی فورمز تے چاوݨ تے پاکستان دا شکریہ ادا کیتا اتے پاکستان دی حکومت تے زور ݙتا جو او ہندوتوا دہشت گردی کوں بے نقاب کرݨ کیتے آپݨٰی کوششاں ٻئی تکھی کرے۔
