اسلام آباد۔30جولائی (اے پی پی) جموں تے کشمیرلیبریشن فرنٹ دے چئیرمین اتے حریت رہنما یاسین ملک دی اہلیہ مشعال حسین ملک آکھیا جو یاسین ملک کوں قید اچ کجھ تھیا تاں اوندی ذمہ واری ہندوستانی حکومت تے ہوسی۔ انہاں اے ڳالھ آپݨے خط اچ بھارت دے وزیراعظم نریندرامودی دے ناں مکتوب اچ آکھی۔ مشعال ملک آپݨے خط اچ لکھیا جو انہاں دے پئے یاسین ملک ایں ویلھے بھارتی جیل اچ ہن، یاسین ملک کشمیریاں دی توانا آواز ہن۔ عدالتی ٹرائل اچ ناانصافی اتے عمر قید دی سزا دے بعد یاسین ملک بکھ ہڑتال تے ہن۔ انہاں لکھیا جو یاسین ملک دے خلاف جاری ٹرائل ناانصافی اتے جمہوری نظام دے برعکس اے۔ مسلسل قید تشدد اتے ٹارچر پاروں یاسن ملک کوں کئی بیماریاں لاحق ہن۔ یاسین ملک کوں قید اچ کجھ تھیا تاں اوندی ذمہ واری ہندوستانی حکومت تے ہوسی۔
