اسلام آباد۔1اگست (اے پی پی) بھارت اچ دنیا صحافی برادری دے خلاف مودی حکومت دے حملیاں کوں روکݨ اچ ناکام رہی تاں بھارت اچ صحافت قصہ پارینہ ٻݨ ویسی ۔ کشمیر میڈیا سروس موجب بھارت دے زیرتسلط مسلم اکثریتی علاقے جموں تے کشمیر اچ صحافیاں کوں سنسر شپ دی ٻئی اقسام دے علاوہ مقامی پولیس سٹیشناں اچ متواتر سݙیا ویندا پئے۔ انہاں دے پس منظر اتے کوائف بارے معلومات ڳھدی ویندی پئی اے جئیں نال صحافی بری طرح متاثر تھیندے پئن۔ ”دی وائر” اچ چھپݨ آلی ہک خبر دے مطابق گزریل ݙو سالیں اچ ڳھٹ توں ڳھٹ 40 کشمیری صحافیاں کوں انہاں دا بیک گراؤنڈ ڄاݨݨ کیتے سݙیا ڳیا۔ انہاں دے کم اتے سوشل میڈیا تے کم دی وضاحت بارے سݙیا ڳیا۔ رپورٹ دے مطابق کئی کشمیری صحافیاں کوں ٻاہرلے ملک سفر کرݨ توں وی روکیا ڳئے۔ چھی کشمیری صحافیاں تے دہشت گردی دے الزامات لاتے ڳئن۔ مودی دے دور اچ مقبوضہ جموں تے کشمیر اچ صحافت دی حالت تے بی بی سی دی ہک رپورٹ دے مطابق ” میڈیا کیتے قتل تھیوݨ آلے کہیں بندے دے رشتہ دار دے بیانات کوں رپورٹ کرݨ جرم اے اگر او موت پاروں، پوسٹ مارٹم یا پولیس موقف تے سوال چیندن۔ رپورٹرز ودآٹ بارڈرز دے ٻݨائے 180 ملکاں دے سالانہ عالمی پریس فریڈم انڈیکس اچ گزریل سال بھارت ݙو درجے ݙہہ تے 142 ویں نمبر تے ہئی۔ بھارت اچ صحافیاں تے حملے دا حوالہ ݙیندیں ہوئیں بی بی سی دی رپورٹ اچ آکھیا ڳیا جو بہوں لوکاں دا خیال اے جو بھارت صحافیاں کیتے غیر محفوظ تھیندا ویندے۔ صحافیاں تے مودی حکومت دے حملے نہ روکیے ڳئے تاں بھارت اچ صحافت قصہ پارینہ ٻݨ ویسی ۔
