مظفرگڑھ۔1اگست (اے پی پی) مظفرگڑھ دی تحصیل علی پور اچ انتظامیہ ولوں ممکنہ سیلابی صورتحال پاروں دریائے چناب دے کنارے آباد مکیناں کوں الرٹ جاری کریندیں ہوئیں انہاں کوں محفوظ ڄاہ تے پڄاوݨ دی ہدایت جاری کر ݙتی اے۔ ریسکیو زرائع دے مطابق ریسکیو 1122 مڈوالا،کندرالا اتے سیف پور اچ کی پوائنٹس ٻݨا تے مسیتاں اچ اعلان کر تے لوکاں کوں محفوظ ڄاہ تے پڄاوݨ دی ہدایت کر ݙتی اے۔ …
تحصیل علی پور اچ انتظامیہ ولوں ممکنہ سیلابی صورتحال پاروں دریائے چناب دے کنارے آباد مکیناں کوں الرٹ جاری
مظفرگڑھ۔1اگست (اے پی پی) مظفرگڑھ دی تحصیل علی پور اچ انتظامیہ ولوں ممکنہ سیلابی صورتحال پاروں دریائے چناب دے کنارے آباد مکیناں کوں الرٹ جاری کریندیں ہوئیں انہاں کوں محفوظ ڄاہ تے پڄاوݨ دی ہدایت جاری کر ݙتی اے۔ ریسکیو زرائع دے مطابق ریسکیو 1122 مڈوالا،کندرالا اتے سیف پور اچ کی پوائنٹس ٻݨا تے مسیتاں اچ اعلان کر تے لوکاں کوں محفوظ ڄاہ تے پڄاوݨ دی ہدایت کر ݙتی اے۔ مقامی انتظامیہ مڈوالا،بستی جھنجن اتے گورنمنٹ ہائی اسکول سیف پور اچ فلڈ ریلیف کیمپ ٻݨا ݙتے ڳئن جتھاں محکمہ صحت اتے محکمہ لائیو سٹاک دی ٹیماں موجود ہن۔محکمہ آبپاشی دے ذرائع دے مطابق ویں ویلھے دریائے چناب اچ ہیڈ پنجند دی ڄاہ تے پاݨی دی آمد 98 ہزار کیوسک فٹ اتے اخراج 96 ہزار کیوسک فٹ اے۔ انڈیا توں چھوڑیے ڳئے ترائے لکھ کیوسک فٹ پاݨی دا ریلا اتھاں پجݨ تے صورتحال گھمبیر تھیوݨ دا خدشہ اے۔
