اسلامیہ یونیورسٹی دے ضرورت مند طلباء تے طالبات دی ہرممکن مدد کیتی ویسی، پروفیسر ڈاکٹر اطہر محبوب

اسلام آباد۔4اگست  (اے پی پی) وائس چانسلر اسلامیہ یونیورسٹی بہاولپور پروفیسر ڈاکٹر اطہر محبوب آکھیا جو یونیورسٹی طلباء تے طالبات دی مالی اوکھ بارے ڄاݨدی اے، اسلامیہ یونیورسٹی بہاولپور وظیفے ݙیوݨ آلی وݙی یونیورسٹی اے ۔ سمسٹر خزاں 2022 دی فیساں دی وصول اچ ضرورت مند طلباء دی مدد کیتی ویسی۔ خمیس کوں آپݨے ہک بیان اچ اناہں آکھیا جو ایں مقصد کیتے یونیورسٹی 5اگست 2022توں”Myiub portal” تے مالی مدد دی درخواستاں دی وصولی کیتے کھولیا ویسی۔ آن لائن درخواست ݙیوݨ دی چھیکڑی تاریخ 10 اگست 2022ء اے۔ صرف بی ایس پروگرام دے سارے طلباء تے طالبات درخواست ݙیوݨ دے اہل ہن جیڑھے مالی بحران پاروں آپݨی سیمسٹر فیس نی ݙے سڳدے۔ جیڑھے طلباء تے طالبات پہلے توں سکالر شپ تے ہن او درخواست نی ݙے سڳدے۔ ایم فل اتے پی ایچ ڈی پروگرامز دے طلباء تے طالبات ایں سکالر شپ دے اہل کائنی۔