ملتان۔8اگست (اے پی پی):ایڈیشنل چیف سیکرٹری ساوتھ پنجاب کیپٹن ر ثاقب ظفرآکھیے جو جنوبی پنجاب اچ یوم عاشور دے موقع تے سارے انتظامات مکمل کر ڳھدے ڳئن ۔ایڈیشنل چیف سیکرٹری جنوبی پنجاب دے 11 ضلعیں دے ڈپٹی کمشنرز کوں ہدایات جاری کرݙتن ۔ہدایات اچ آکھیا ڳئے جو امن و امان دی فضاءقائم رکھݨ کیتے سارے مکاتب فکر دے علماءکوں آن بورڈ رکھیا ویسی تے ناخوشگوار واقعات روکݨ کیتے ضلعی …
جنوبی پنجاب اچ یوم عاشور تے سارے انتظامات مکمل کر ڳھدے ڳئن ،ایڈیشنل چیف سیکرٹری جنوبی پنجاب
ملتان۔8اگست (اے پی پی):ایڈیشنل چیف سیکرٹری ساوتھ پنجاب کیپٹن ر ثاقب ظفرآکھیے جو جنوبی پنجاب اچ یوم عاشور دے موقع تے سارے انتظامات مکمل کر ڳھدے ڳئن ۔ایڈیشنل چیف سیکرٹری جنوبی پنجاب دے 11 ضلعیں دے ڈپٹی کمشنرز کوں ہدایات جاری کرݙتن ۔ہدایات اچ آکھیا ڳئے جو امن و امان دی فضاءقائم رکھݨ کیتے سارے مکاتب فکر دے علماءکوں آن بورڈ رکھیا ویسی تے ناخوشگوار واقعات روکݨ کیتے ضلعی امن کمیٹیاں دے ممبران دی خدمات حاصل کیتیاں ونڄن۔ ایڈیشنل چیف سیکرٹری ساوتھ پنجاب آکھیے جو منافرت تے مبنی تقریر کرݨ آلے خلاف سختی نال نبݨیا ویسی تے وال چاکنگ تے لاوڈ سپیکر ایکٹ دی خلاف ورزی تے کوئی سمجھوتہ نہ کیتا ونڄے ۔انہاں آکھیے شرپسند عناصر تے کڑی نظر رکھی ونڄے تے سول انتظامیہ اتے پولیس وچال بہترین رابطہ کار قائم رکھیا ونڄے ۔کیپٹن (ر) ثاقب ظفر سارے ضلعیں اچ قائم ڈسٹرکٹ کنٹرول رومز کوں 24 گھنٹے فعال رکھݨ دی ہدایت کیتی اے ۔
