موغادیشو۔ 10اگست (اے پی پی):اقوام متحدہ آکھیے جو صومالیہ اچ شدید خشک سالی، غذائی قلت تے بیماریاں کھنڈݨ پاروں 10 لکھ لوک بے گھر تھی چکئن ،عالمی برادری ہنگامی طور تے 99 کروڑ ڈالر ݙیوے۔ چینی خبر رساں ادارے اقوام متحدہ دے ذیلی دفتر رابطہ انسانی امور (او سی ایچ اے) دے حوالے نال ݙسایا جو صومالیہ دی 90 فیصد توں ودھ آبادی شدید خشک سالی دا شکار اے۔ او سی ایچ اے آکھیے جو جنوری 2021 توں گھن تے ہݨ تئیں صومالیہ اچ خشک سالی پاروں نقل مکانی کرݨ آلیں دی تعداد 10لکھ2ہزار796 توں تجاوز کر ڳئی اے۔ اڄوکے سال جولائی اچ خشک سالی دی وجہ توں تقریبا 83 ہزار 518 لوک بے گھر تھئن جیڑھا جو ماہانہ بنیاد تے ( جون دے مقابلے اچ )26 فیصد گھٹ ہن ۔ادارے عالمی برادری توں اپیل کیتی اے جو او صومالیہ اچ خشک سالی، غذائی قلت تے بیماریاں نال نبݨݨ کیتے 993.3 ملین امریکی ڈالر امداد ݙیوے۔
