اسلام آباد۔10اگست(اے پی پی)وفاقی وزیر خزانہ و محصولات مفتاح اسماعیل نال پاکستان ہوزری مینوفیکچررز اینڈ ایکسپورٹرز ایسوسی ایشن (PHMA) دے چیئرمین میاں کاشف ضیاء دی اڳواݨی اچ وفد ملاقات کیتی۔ ڈپٹی گورنر سٹیٹ بینک، ممبر ایف بی آر اتے وزارت خزانہ و تجارت دے سینئر افسران وی موجود ہن۔ وفد ملکی معیشت دی ترقی کیتے ہوزری و نٹ ویئر انڈسٹری دے کردار، ٹیکسیشن، سیلز ٹیکس دی واپسی، بجلی و گیس دے ٹیرف مسلے ݙسائے۔ انہاں ایل سی، ڈی ایل ٹی ایل اتے پی ایس ڈبلیو کھولݨ اچ کمرشل بینکاں دے ردعمل تے الایا۔ وزیر خزانہ مفتاح اسماعیل وفد کوں مسلے حل کرݨ دا یقین ݙیوائے۔
