ملتان اچ ودھ مینھ وسݨ پاروں واسا ہنگامی حالت دا اعلان کرݙتا

ملتان۔17اگست (اے پی پی):ملتان اچ ٻدھ دے ݙینھ ودھ سارے مینھ وسݨ پاروں ٻہوں سارے علاقیں اچ پاݨی آڳئے ،مینھ سویلے ݙاہ وڄے وسݨ شروع تھئے تے مختلف علاقیں اچ کہیں ویلھے تکھا تے کہیں ویلھے ہلکا وسدا رہیا تے شام تئیں مینھ وسݨ دا سلسلہ جاری رہیا ۔محکمہ موسمیات موجب ݙوپہر ھک وڄٖ توں 5.4ملی میٹر مینھ ریکارڈ کیتا ڳئے تاں جو شام تئیں مزید مینھ وسݨ دا امکان اے ، مینھ وسݨ دے فورا بعد واسا تے ٻئے محکمے متحرک تھی ڳئن ۔ سرے سیوریج، ڈسپوزل اسٹیشناں تے ڈویژناں اچ ہنگامی حالت دا اعلان کرݙتا ڳئے ۔ایم ڈی واسا سارے عملے کوں ہدایت کیتی اے جو او فیلڈ اچ آپݨی حاضری یقینی بݨاون۔