اسلام آباد۔17اگست(اے پی پی)وفاقی وزیر خزانہ مفتاح اسماعیل آکھیے جو پاکستانی حکومت ایران نال تجارتی تعلقات ودھاوݨ دا جائزہ ڳھنسی، ایران اتے پاکستان بینکنگ چینل اتے ادائیگی دا نظام شروع کرن تاں آندے 2 سال اچ تجارت ݙوڑی تھی ویسی۔ اے الھ انہاں ایران و پاکستان دے کٹھے اقتصادی کمیشن دے 21 ویں اجلاس ویلھے ’’ارنا ‘‘ کوں انٹرویو اچ آکھی۔ انہاں ݙوہاں ملکاں وچال مشترکہ اقتصادی کمیشن اجلاس سانڳے سرمایہ کاری، توانائی و سرحدی تعاون ودھاوݨ دا عزم کریندے آکھیے جو ݙوہاں ملکاں وچال تجارتی و اقتصادی تعلقات ودھاوݨ دیاں بہترین صلاحیتاں ہین اتے پاکستان دی اڄوکی حکومت ایں سانڳے ودھ اقدامات کریسن۔
