بہاولنگر اچ مینھ وسݨ پاروں مکان دی چھت ڈھہہ ڳئی ، 3 بھیݨیں جاں بحق

بہاولنگر۔18اگست (اے پی پی) بہاولنگر اچ مینھ وسݨ پاروں مکان دی چھت ڈھہہ ڳئی ، 3 بھیݨیں جاں بحق تھی ڳئن ۔بہاولنگر دے محلہ تیلیاں آلا اچ مینھ پاروں کمرے دی چھت ڈھݨ پاروں کمرے اچ ستیاں ترائے بھیݨیں ملبے تلے دب تے جاں بحق تھی ڳئن۔ ریسکیو ٹیم امدادی آپریشن کریندے ہوئیں جاں بحق تھیوݨ آلیاں ترائے بھیݨیں دیاں لاشاں ملبے توں کڈھ تے ہسپتال منتقل کرݙتن،جاں بحق تھیوݨ آلیاں بھیݨیں اچ 24 سالہ نادرہ ، 28 سالہ رضیہ تے 30 سالہ روبینہ شامل ہن افسوس ناک حادثے توں علاقے اچ کہرام مچ ڳئے ،اہل علاقہ دی وݙی تعداد موقع تے جمع تھی ڳئی، جاں بحق تھیوݨ آلیاں ݙو بھیݨیں نجی سکول اچ ٹیچنگ کریندیاں ہن ۔ گزریل ݙینھ توں بہاولنگر شہر نیڑے علاقیں اچ مینھ دا سلسلہ وقفے وقفے نال جاری اے ۔