ملتان۔22اگست (اے پی پی) فورٹ منرو،شدید مینہ پاروں راکھی گاج دے علاقے اچ پہاڑی تودے ݙہوݨ نال ٹریفک دی آوںج معطل تھی ڳئی اے۔ لینڈ سلائیڈنگ پاروں ملتان ،ڈیرہ غازیخان،راجن پور،مظفرگڑھ اتے نیڑے دے علاقے دے ہزاراں ٹٻر ست ݙینھ توں فورٹ منرو دے ہوٹلاں تے نیڑے دی سڑکاں تے پھس ڳئن۔ متاثرہ لوک غذائی قلت اتے مختلف مسئلیاں دا شکار تھی ڳئن۔ پھس ونجݨ آلیاں اچ تریمتیں اتے شیر …
فورٹ منرو،شدید مینہ پاروں راکھی گاج دے علاقے اچ پہاڑی تودے ݙہوݨ نال ٹریفک دی آوںج معطل تھی ڳئی
ملتان۔22اگست (اے پی پی) فورٹ منرو،شدید مینہ پاروں راکھی گاج دے علاقے اچ پہاڑی تودے ݙہوݨ نال ٹریفک دی آوںج معطل تھی ڳئی اے۔ لینڈ سلائیڈنگ پاروں ملتان ،ڈیرہ غازیخان،راجن پور،مظفرگڑھ اتے نیڑے دے علاقے دے ہزاراں ٹٻر ست ݙینھ توں فورٹ منرو دے ہوٹلاں تے نیڑے دی سڑکاں تے پھس ڳئن۔ متاثرہ لوک غذائی قلت اتے مختلف مسئلیاں دا شکار تھی ڳئن۔ پھس ونجݨ آلیاں اچ تریمتیں اتے شیر خوار ٻال وی شامل ہن۔ رستہ کھولݨ کیتے این آئی ایچ اے سودھے مختلف ادارے ہیوی مشینری نال کم کریندے پئن۔ لینڈسلائیڈنگ راکھی گاج سٹیل پل سودھی ترائے جہیں تے تھئی اے جئیں پاروں رکنی تئیں گاݙیاں دی لمبی قطاراں لڳ ڳئن۔ مقامی لوکاں دے مطابق ٹریفک دی قطار ݙوہیں پاسوں تقریباً 20 میل دے علاقے تئیں کھنݙ ڳئی اے۔ ملتان توں تعلق رکھݨ آلے سماجی کار کن اتےکالم نگارعامرشہزاد صدیقی اے پی پی نال ڳالھ مہاڑ کریندیں ہوئیں آکھیا جو حکام ہک واری رستہ کھولیا ہئی پر ݙھیر مینہ پاروں تودے ݙہوݨ نال سڑک ولا بلاک تھی ڳئی۔ انہاں آکھیا جو اے ٹی ایم دی سہولت نہ ہووݨ پاروں وی اوکھ تھیندی پئی اے۔
