شیخ زید میڈیکل کالج رحیم یار خان دا کانوکیشن دسمبر 2022 اچ کرایا ویسی ،پرنسپل پروفیسر ڈاکٹر محمد سلیم لغاری

رحیم یار خان۔24اگست (اے پی پی) پرنسپل شیخ زید میڈیکل کالج و ہسپتال پروفیسر ڈاکٹر محمد سلیم لغاری اکیڈمک کونسل دی صدارت کریندے ہوئیں آکھیے جو شیخ زید میڈیکل کالج رحیم یارخان دا کانوکیشن دسمبر 2022 اچ کرایا ویسی ، کانوکیشن دے مہمان خصوصی وزیراعلی پنچاب چودھری پرویز الہی و مہمانان گرامی اچ صوبائی وزیر صحت ڈاکٹر یاسمین راشد تے ٻئے ہوسن ،اجلاس اچ بہترین فیکلٹی ڈاکٹرز کیتے “گولڈ میڈل” دا اعلان کیتا ڳئے ۔گولڈ میڈل دا تعین اعلی ٰسطحی کمیٹی بین الاقوامی معیارتے کریسی تاں جو بہترین معیار کوں ادارے دی سطح تے ودھارا ݙتا ونڄ سڳے ، گولڈ میڈل دا ایوارڈ کانوکیشن دے دوران ݙتا ویسی ۔پروفیسر ڈاکٹر محمد سلیم لغاری شیخ خلیفہ الائئڈ ہیلتھ سائنسز دے طلباء و طالبات دے پراݨے ہاسٹل دے مسئلیں کوں وختی حل کراوݨ کیتے ڈائریکٹر فنانس کوں احکامات جاری کرݙتن ،پرنسپل شیخ زیدمیڈیکل کالج ایم بی بی ایس اچ نمایاں پوزیشن حاصل کرݨ تے فیکلٹی، طلباء و طالبات کوں مبارخ ݙتی ، ایں موقع تے پروفیسر ڈاکٹر فہیم اعوان، پروفیسر ڈاکٹر مظہر رفیع جام، پروفیسر ڈاکٹر اکمل حسین، پروفیسر ڈاکٹر شازیہ ماجد خان، پروفیسر ڈاکٹر ظفر اقبال، پروفیسر ڈاکٹر علی برھان مصطفے، پروفیسر ڈاکٹر طارق غفور، پروفیسر ڈاکٹر نصیر چودھری، ڈاکٹر وزیر علی خان، ڈاکٹر عابد حسین، ڈاکٹر محمد بلال غفور، ڈاکٹر شہباز حسین، ڈاکٹر سلطان اویسی تے ٻئے موجود ہن ۔