کراچی۔24اگست(اے پی پی)وفاقی وزیر توانائی انجینئر خرم دستگیر خان آکھیے جو جولائی دے بلاں دا فیول سرچارج 2 سو توں ڳھٹ یونٹ آلے صارفین کیتے مکا ݙتے، تجارتی میٹر تے لڳا فکسڈ ٹیکس وی اکتوبر توں مک ویسی، پورے ملک اچ بجلی صارفین کوں جون دے فیول سرچارج پاروں جھٹکا لڳی جیڑھا جولائی دے بلاں اچ پاتا ڳیا ہا۔ پریس کانفرنس اچ انہاں آکھیا جو جولائی اچ صارفین جون توں ڳھٹ بجلی استعمال کیتی بھل ٻل ودھ آئن جو ایندے اچ جون دا سرچارج وی الای ڳیا ہا اتے ایں سانڳے حکومت لوکاں دا اوکھ ݙیہدے ہوئے سوکھ ݙیوݨ دا فیصلہ کیتے، جیڑھے لوک بل ݙے چکین انہاں کوں آندے ماہ بل اچ ریلیف ݙتا ویسی، بل نا بھرݨ آلیاں کوں نظرثانی شدہ بل ݙتے ویسن ڄݙاں جو زرعی صارفین کیتے فیول سرچارج وی مکا ݙتے۔
