لیاقت علی چٹھہ کمشنر ڈی جی خان دا چارج ول سانبھ ڳھدا ، سیلاب آلے علاقیں دا دورہ

راجن پور۔30اگست (اے پی پی):لیاقت علی چٹھہ کمشنر ڈی جی خان دا چارج ول سانبھ ڳھدے ، سیلاب زدہ علاقیں دا دورہ ۔انہاں فاضل پورتے ٻئے سیلابی علاقیں دا معائنہ کیتے۔ڈی سی آفس راجنپور اچ اجلاس دی صدارت کریندے کیتی ضلعی فلڈ کنٹرول دا معائنہ کیتے۔سیکرٹری زراعت جنوبی پنجاب ثاقب علی عطیل،چیف انجنئیر انہار ساجد رضوی اتے ٻئے موجود ہن۔ڈپٹی کمشنر راجنپورعارف رحیم بریفنگ ݙتی۔کمشنر لیاقت علی چٹھہ فلڈ کنٹرول کوں موئثر بݨاوݨ دے احکامات جاری کرݙتن ،کمشنر ڈی جی خان سیلاب آلے علاقیں اچ امدادی سرگرمیاں دا جائزہ ڳھدا۔انہاں بخارہ ڈرین فاضل پور اچ رود کوہی کیتے مستقل کشادہ پل تعمیر کرݨ دے احکامات جاری کرڈتن۔ کمشنر آکھیے موجودہ پل ہلکی ٹریفک کیتے ڈیزائن کیتا ڳئے ۔بھاری ٹریفک توں پل کوں ضیان پڄ سڳدے ایں باریاں ڳاݙیاں دے داخلے تے لاتیاں ڳیاں پابندی تے عملدرآمد کرایا ونڄے جیں کیتے ٹریفک پولیس دی معاونت کیتے مقامی پولیس تعینات کیتی ویسی ۔کمشنر لیاقت علی چٹھہ آکھیے جو سیلاب آلے علاقیں اچ خدمت خلق کرݨ آلے مخیر حضرات دی ہرممکن معاونت کیتی ونڄے۔انہاں آکھیے جو وزیر اعلیٰ چودھری پرویز الٰہی سیلاب آلے علاقیں کوں آفت زدہ قرار ݙے ݙتے جیں دے تحت آبیانہ،مالیہ اتے ٻئے سرکاری واجبات معاف ہوسن ۔کمشنر لیاقت علی چٹھہ سیلاب آلے علاقیں اچ فصل،گھر تے ٻئے ضیان دے ازالے کیتے سروے وختی شروع کرݨ دے احکامات جاری کرݙتن ۔