رحیم یارخان۔30اگست (اے پی پی):وائس چانسلرخواجہ فریدآئی ٹی یونیورسٹی پروفیسرڈاکٹرسلیمان طاہرآکھیے جو خواجہ فریدآئی ٹی یونیورسٹی گورنرپنجاب میاں بلیغ الرحمٰن دی خصوصی ہدایات تے سیلاب آلے علاقیں اچ ریلیف کیمپ لاݙتن راجن پور تے روجھاݨ اچ خواجہ فریدآئی ٹی یونیورسٹی دے طلباء وطالبات دی طرفوں لاتے ڳئے کیمپس اچ 700 توں ودھ خانداناں اچ راشن، ضرورت دیاں چیزاں سودھے دوائیں دی فراہمی یقینی بݨائی ڳئی اے ایں توں انڄ یونیورسٹی …
خواجہ فرید آئی ٹی یونیورسٹی گورنرپنجاب میاں بلیغ الرحمٰن دی خصوصی ہدایات تے سیلاب آلے علاقیں اچ ریلیف کمیپ لاݙتن ،وائس چانسلر
رحیم یارخان۔30اگست (اے پی پی):وائس چانسلرخواجہ فریدآئی ٹی یونیورسٹی پروفیسرڈاکٹرسلیمان طاہرآکھیے جو خواجہ فریدآئی ٹی یونیورسٹی گورنرپنجاب میاں بلیغ الرحمٰن دی خصوصی ہدایات تے سیلاب آلے علاقیں اچ ریلیف کیمپ لاݙتن راجن پور تے روجھاݨ اچ خواجہ فریدآئی ٹی یونیورسٹی دے طلباء وطالبات دی طرفوں لاتے ڳئے کیمپس اچ 700 توں ودھ خانداناں اچ راشن، ضرورت دیاں چیزاں سودھے دوائیں دی فراہمی یقینی بݨائی ڳئی اے ایں توں انڄ یونیورسٹی اچ وی سیلاب زدگان کیتے امدادی کیمپ لارکھیے جیں اچ یونیورسٹی دے طلباء وطالبات ودھ چڑھ تے حصہ گھندے پئن ڈسٹرکٹ پریس کلب اچ میٹ دی پریس اچ ڳالھ کریندے ہوئیں وائس چانسلر پروفیسر ڈاکٹر سلیمان طاہرآکھیے جو موجودہ سیلاب پاروں پورے ملک اچ تباہ کاریاں قومی سانحہ اے سیلاب آلے علاقیں دی بحالی اتے متاثرین دیاں ضرورتاں دا خیال رکھݨ اساݙا فرض اے ایں سلسلے اچ خواجہ فریدآئی ٹی یونیورسٹی سیلاب آلے علاقیں اچ امدادی کاروائیاں دے نال نال متاثرین دیاں ضرورتاں پورا کریندی پئی اے سیلاب توں متاثر تھیوݨ آلے علاقیں دے طالب علماں دی سوفیصد ٹیوشن فیس معاف کرݨ دا فیصلہ کیتا ڳئے ایجھے سارے طالب علماں دی فیس مکمل معاف ہوسی ، انہاں آکھیے رحیم یارخان اچ رہݨ آلے سیلاب توں متاثرہ علاقیں دے سارے طالب علم بھاویں کہیں وی ادارے اچ تعلیم حاصل کریندے پئے ہوون انہاں کوں خواجہ فریدآئی ٹی یونیورسٹی دے ہاسٹلز اچ مفت رہائش ݙتی ویسی راجن پوردے متاثرہ علاقیں اچ سکل ڈویلپمنٹ سنٹربݨایا ویسی تاں جو لوکاں کوں ول آپݨے پیراں تے کھڑا کیتا ونڄ سڳے ۔
